بين بوش و بيلر (قوية مرة)

الله لا يجزاك بالخير يابوش ^ورطتنا في حرب صدام ورطه
عزمتني وتقول بترول وقروش^بس الحقبقه روحتي معك غلطه
بوش:
يا بلير رد العلم عن بوش بن بوش^الله خلقنا للمقاريد سلطه
وابوي عنده للرجاجيل دنبوش^كم واحد شلنا فلوسه ونفطه
بلير:
ابوك والنعمين مير انت مربوش^تموت بالبترول وتحب شفطه
صحيح عندك مال وسلاح وجيوش^مير اتوقع لك تدهور وسقطه
بوش:
يا بلير كانك خفت يوم احتمى الهوش^حرام ما تاخذ من النفط نقطه
مثلك ترى شيراك قد راح مكرزش^شوفه يصرح كل يوم بمحطه
بلير:
وراك ما تعطي شيراك عرموش^ترا مشغلنا بشيله وحطه
وليا انتهى موضوعنا نرسل طروش^ونجمع المبلغ من الربع قطه
بوش:
شيراك هذا عنده الفكر مغشوش^فرط علي في مجلس الامن فرطه
يدزه اليابان والصين ويطوش^ومجهز الفيتو لتحقيق شرطه
بلير:
يابوش انا مرهق وخايف ومدهوش^وانته تقول الحرب خدعه وخطه
اسراي واسراك امتلأ منهم الحوش^عزالله انه صابني منك جلطه
بوش:
ماقلت لك كم فيه اذاعات ودشوش^لا تكشف المعنى وانا اقول غطه
وان قالو إنا علوج واصحابنا جحوش^ماهمنا الصحاف واللي يحطه

منقو للضحك

ههههههههههههههههه


شكرا

ههههههههههههههههههههههههههههههههههههههههههههههههههههههه
قريتها وضحكتني مع اني مافهمت كلشي فهمت غير شوية برك

يعطيك الصحة خو مشكور على الموضوع المضحك